Xizmatni ko`rsatish uchun kerak bo`ladigan hujjatlar

Hisobvaraqni ochish uchun yuridik shaxs:

• O’zbekiston Respublikasi banklarida ochiladigan bank hisobvaraqlari to’g’risida yo’riqnomaning 1-ilovasida keltirilgan shaklda ariza;


• tijorat faoliyati uchun mo’ljallangan tovarlarni xorijdan olib keluvchi yakka tartibdagi tadbirkorlar tomonidan - yashash joyi bo’yicha davlat soliq xizmati organi tomonidan berilgan Tijorat faoliyati uchun mo’ljallangan tovarlarni olib keluvchi yakka tartibdagi tadbirkor davlat ro’yxatidan o’tganligi to’g’risidagi guvohnoma nusxasi;


• davlat ro’yxatidan o’tganligi to’g’risidagi guvohnomaning nusxasi;


• O’zbekiston Respublikasi banklarida ochiladigan bank hisobvaraqlari to’g’risida yo’riqnomaning 3-ilovasida keltirilgan shaklga muvofiq imzolar namunalari va muhr izi qo’yilgan ikki dona varaqcha;


• tadbirkorlik faoliyati subyektlari bo’lgan rezident yuridik shaxslar tomonidan ta’sis hujjatlari (ta’sis shartnomasi, ustav) hamda ularga kiritilgan o’zgartirish va qo’shimchalarning nusxalari, xorijiy investitsiyalar ishtirokidagi korxonalar va xorijiy sarmoya ishtirokidagi boshqa korxonalarning ta’sis hujjatlari va ularga kiritilgan o’zgartirish va qo’shimchalarning notarial tasdiqlangan nusxalari;


• mijoz nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi hujjati (pasport yoki uni o’rnini bosadigan hujjat). Shaxsini tasdiqlovchi hujjatning asli ko’rsatilgandan so’ng, bank tomonidan undan nusxa olinadi.

Xizmatni ko`rsatishning huquqiy asosi

Hisob raqamlar O’zbekiston Respublikasi amaldagi qonunchiligi asosida va bankning ichki normativ hujjatlari asosida ochiladi.

Xizmat narxi va to`lash tartibi

Bank mijozlarining topshirig’ini bajarish natijasida olinadigan haq to’lash ta`riflariga asosan.

Xizmatni ko`rsatish muddati

O’zbekiston Respublikasi banklarida ochiladigan bank hisobvaraqlari to’g’risida yo’riqnomaga asosan, mijoz tomonidan hujjatlar taqdim etilgan vaqtdan 2 ish kuni mobaynida hisob raqam ochiladi.

Natijani olish usullari

Shaxsan.

Xizmat natijasi

Ma'lumot berish.

Rad etish sabablari

Hisob raqamni ochishga rad etish sabablari sifatida quyidagilar bo’lishi mumkin:

• Taqdim etilgan hujjatlarda keltirilgan ma’lumotlarning haqiqatga to’g’ri kelmasligi;


• O’zbekiston Respublikasi qonunchiligida, O’zbekiston Respublikasi Markaziy bankining normativ hujjatlarida keltirilgan boshqa sabablar.

Shikoyat arizasi berish tartibi

Hisob raqam ochishga rad javobini asossiz olgan taqdirda, mijoz filialning yoki bo’limning yuqori turuvchi tashkilotiga yoki ishonch telefonlari orqali murojaat qilishlari mumkin.