Portalning yangi versiyasini ishga tushirish munosabati bilan, ushbu versiyada texnik quvvatlash to'xtatiladi!!!
Yangiliklar » Интерактив хизмат: тезкор ва қулай
04.08.2014

Ўзбекистон Республикаси Вазирлар Маҳкамасининг 2013 йил 25 ноябрда қабул қилинган “Тадбиркорлик субъектларини Интернет тармоғи орқали давлат рўйхатидан ўтказиш механизмини жорий этиш чора-тадбирлари тўғрисида”ги қарорига мувофиқ жорий йилнинг ўтган даврида Сурхондарё вилоятида икки юздан ортиқ тадбиркорлик субъекти ягона интерактив давлат хизмати портали орқали электрон усулда давлат рўйхатидан ўтказилди.

Мамлакатимизда кичик бизнес ва хусусий тадбиркорликни қўллаб-қувватлаш, ривожлантириш борасида кўрсатилаётган ғамхўрликлар иқтисодиётимиз изчил юксалиши, халқимиз фаровонлигини таъминлашга хизмат қилмоқда. Президентимизнинг 2013 йил 14 ноябрдаги “Тадбиркорлик субъектларини давлат рўйхатига олиш ва ҳисобга қўйишнинг хабардор қилиш тартиби тўғрисидаги низомга ўзгартиш ва қўшимчалар киритиш ҳақида”ги қарори бу борадаги ишлар кўламини кенгайтиришда муҳим дастуруламал бўлаётир.

– Жорий йил бошидан тадбиркорлик субъектларини интернет тармоғи орқали давлат рўйхатидан ўтказишнинг кенг жорий этилгани ишбилармонлар учун бир қатор қулайлик яратди, – дейди Савдо-саноат палатаси вилоят ҳудудий бошқармаси бошлиғи ўринбосари Ҳайдар Абдурасулов. – Бойсун туманида йигирмата, Сариосиё туманида ўндан ортиқ тадбиркорлик субъекти интерактив усулдан фойдаланиб, интернет тармоғи орқали давлат рўйхатидан ўтди.

– Фаолиятимизни бошлашга рухсат олиш учун интернет тармоғидан фойдаландик, – дейди сариосиёлик якка тартибдаги тадбиркор Гулчеҳра Норқулова. – Бунинг учун зарур ҳужжатларни тайёрлаб, электрон нусхасини ҳокимликнинг тадбиркорлик субъектларини рўйхатга олиш инспекциясига юбордик. Қисқа вақтда давлат рўйхатидан ўтганимиз ҳақидаги гувоҳноманинг электрон нусхасини олиб, иш бошладик. Замонавий бу усул тезкор ва қулайлиги билан бизга жуда манзур бўлди.

www.uza.uz

Поделиться

3567 marta ko`rilgan

Ommabop xizmatlar

Yuborilmoqda...

Qayta aloqa

* belgisi bilan ajratilgan maydonlar to`ldirilishi shart.

Tasvirdagi belgilarni kiriting*
Harflar katta yoki kichikligining ahamiyati yo`q.
Murojaat yuborish

Davlat organi rahbariyati qabuliga yozilish

Tadbirkorlik

Qayta aloqa